近排真係睇左好多醫生。
耳穴黃醫師...前後睇左30次...血氣係好左, 不過一星期要睇2次, 好朋撲。
中醫陳知行, 睇左4次, 每次都要成千銀, 但食到我手腫腳腫, 應該一早就唔好睇佢。不過佢要我介既食物都有佢道理, 同埋做運動咁都岩既。
中醫簡美蓮, 呢個係屋企附近既, 諗住試一試, 見佢又唔貴, 點知食到我勁肚痛! 之後我囉左個藥方問張秀霞醫師, 佢話哇呢d藥好寒涼架喎, 你受唔到架, 仲要落瀉鹽!
中醫張秀霞, 廣華醫院既, 食藥粉, 麻麻地, 係forum話佢好掂, 所以試下, 佢都應該有料既, 從佢年資睇黎, 不過藥粉硬係爭少少。佢仲話點解唔一早搵佢。
中醫黎守琼, 呢個真係堅, 排隊排餐死既, 要自己煲既d藥, 但當我話我食乜都想反胃時, 食你d中藥會唔會咁架? 佢就有好信心話食左咪知得唔得囉! 充滿信心! 而我食左咁多個中醫開既藥之後, 覺得食左佢既中藥真係舒服左。
岩岩前幾日睇左腸胃科洪醫生, 約左12月1號去法國醫院照胃鏡, 因為個盲腸個位成日一食完野就係度rrrr搞, 又大聲, 真係好annoying!
跟住又約左下星期四10點睇婦科周美仙, 希望幫到我啦!
跟住每星期五又睇埋脊醫dr. lau, 佢都幫左我唔少, 幫我拉番好d骨, 舒服左好多!
係咪人老特別多病痛呢? 希望中西合碧會幫到我啦...我只係想個胃唔好再咁反法, 想食多d都唔得!
但係中醫成日都話要介口, 好辛苦囉!
